Mesazhi i 25 Dhjetorit 2005

“Bij të dashur! Edhe sot ju sjell në krahët e mi Jezusin e vogël, Mbretin e Paqes, për t’ju bekuar me paqen e Tij. Fëmijë, në mënyrë të veçantë ju bëj thirrje të bëheni mbartës të paqes në këtë botë pa paqe. Hyji do t’ju bekojë. Fëmijë, mos harroni se unë jam nëna juaj. Ju bekoj të gjithëve me një bekim të veçantë, me Jezusin e vogël në krahët e mi. Faleminderit që iu përgjigjet thirrjes sime.”

***

Mesazhi i përvitshëm për Jakovin

Me 12 Shtator 1998, në të shfaqurin e fundit të përditshëm, Zoja i tha Jakov Kolos se do t’i shfaqej tashmë një herë në vit, me 25 Dhjetor, për Krishtlindje. Po kështu ndodhi edhe këtë vit. Zoja erdhi me Jezusin Fëmijë në krahë. Të shfaqurit nisi në ora 14.45 dhe zgjati 7 minuta.

Zoja dha mesazhin e mëposhtëm:

"Bij të dashur, sot, me Jezusin në krah, ju ftoj, në mënyrë të veçantë, të ktheheni. Bij, gjatë kësaj kohe që Hyji më ka lejuar të jem me ju, ju kam ftuar pareshtur që të ktheheni. Shumë zemra kanë mbetur të mbyllura. Fëmijë, Jezusi është paqe, dashuri, gëzim, prandaj zgjidhni Jezusin. Filloni të luteni. Fëmijë, vetëm me Jezusin mund ta kini paqen, gëzimin dhe zemrën plot dashuri. Fëmijë, ju dua. Jam nëna juaj dhe ju jap bekimin tim amtar.”